✨ مش محتاج تحاليل ولا علاج ✨
بشوف حالات كتير 👩⚕️، الأم بتكون خايفة على الطفل 😟 وعايزة تعمل تحاليل 🧪 عشان تطمن. مع إن الطفل بيكون طبيعي 👶 ومش محتاج أي تحاليل أو علاج، وبديها الروشتة فاضية كمان 📝❌.
👩🍼 الأم تقولي: "ابني عنده ارتجاع وكل شوية يرجع 🤮 وأنا خايفة عليه"، ومع فحص الطفل بيكون وزنه طبيعي ⚖️، ومن خلال التاريخ المرضي بقولها: "ده قشط مش ارتجاع ✋ ومش محتاج تحاليل ولا علاج".
🧓 من أشهر الحالات كمان لما الأم تقولي: "ابني وزنه ضعيف 🪶، وأخد علاج كتير ومفيش تحسن"، وطبعًا بتقارن الطفل بأطفال تانيين 👶👦👧. بس أنا بعتمد على مقياس تاني ✅ وهو منحنيات النمو 📈، ودي بنحدد من خلالها هل وزن وطول الطفل متوافق مع عمره ولا لأ 🧒📏. كتير من الحالات الطفل بيكون طبيعي تمامًا 🙏، وبطمن الأم إنه مش محتاج علاج 😊.
💩 ومن الحالات كمان: الأم تقولي: "ابني بيسهل من ساعة الولادة، وأخد كل أنواع أدوية الإسهال 💊 والإسهال مستمر". 💡 لما بفحص الطفل وأسأل عن التفاصيل، بقولها: ده طبيعي، وممكن الطفل يعمل براز كذا مرة في اليوم 🔁، وده مش إسهال ✖️💩، ومش محتاج علاج.
⚠️ طبعًا ده في بعض الأطفال، وفي أطفال بيكون عندهم إسهال فعلاً. وأنا بحدد على حسب حالة كل طفل 👨⚕️.